Descrizione
S'Unione de sos Comunes de Barigadu, a intro de su progetu Barigadu in limba finantziadu dae sa Presidèntzia de su Consìgiu de sos Ministros e dae sa Regione Autònoma de Sardigna gràtzias a sa L. 482/1999 e a sa L.R. 22/2018 pro s'annu 2023, cuncordat unu cursu de alfabetizatzione e de fungudamentu grammaticale in limba sarda.
Su cursu est gratis e abertu a totu sos tzitadinos interessados, a sos maistros de iscola e professores, a sos cummertziantes, a sos artesanos, a su personale dipendente de sos Comunes, a totu cussos chi impreant giai (o chi cherent impreare) su sardu ònnia die in sas fainas issoro.
Su cursu, chi at a tènnere una dura de 30 oras (10 letziones de 3 oras onniuna), at a cumintzare su 22 de trìulas de su 2024 e at a sighire in sos meses de cabudanni e santugaine 2024 cunformas a custu calendàriu:
o Trìulas: lunis 22 e 29
o Cabudanni: lunis 9, 16, 23 e 30
o Santugaine: lunis 7, 14, 21 e 28
Pro chistiones logìsticas, sos cursos s'ant a fàghere cun presèntzia fìsica de sos dischentes in su Comune de Barigadu in ue ddoe at a àere unu nùmeru prus artu de domandas de partetzipatzione.
Regordamus chi, pro ddu pòdere incarrerare, a su cursu si ddoe depent iscrìere a su mancus 15 persones, chi s'impignant a frecuentare su cursu pro nessi 21 de sas 30 oras prevididas.
A s'agabbu de su cursu ddoe at a àere un'esàmene e s'Unione de sos Comunes at a dare s'atestadu de frecuèntzia a sos dischentes.
S'iscritzione cheret fata a intro de su 15 de trìulas de su 2024 compilende su mòdulu alliongiadu a custu avisu e mandende-ddu a s'indiritzu de posta eletrònica isportellu.limba.barigadu@gmail.com o cunsinnende-ddu a manu in oràriu de ufìtziu a su Comune de Fordongianus, in ue tenet sa sea sua s'Isportellu linguìsticu.
S’avisu e su mòdulu de iscritzione sunt publicados in su giassu istitutzionale de s’Unione de sos Comunes de Barigadu https://www.unionecomunibarigadu.it e in cussos de sos Comunes aderentes.
Pro informos faghet a iscrìere a s'indiritzu isportellu.limba.barigadu@gmail.com o a telefonare a su nùmeru 349/6025986.